Avro və Funt ucuzlaşmaqda

23 Oktyabr 2018

Beynəlxalq valyuta birjalarında Avropa və İngiltərədə müşahidə olunan siyasi və iqtisadi risklər, dollara olan tələbin daha da artmasına təsir edir.

Avro və Funt ucuzlaşmaqda

Beynəlxalq valyuta birjalarında avro və funtun qiymətləri ucuzlaşmaqda davam edir. Buna səbəb dünya bazarlarında dollara olan tələbin artması və Avropa və İngiltərədə siyasi və iqtisadi risklərin artmasıdır.


Qeyd etmək lazımdır ki, İngiltərə ilə Avropa Birliyi (AB) arasında Breksit danışıqlarının uğursuz nəticələnməsi funtun keçmiş həftələr ərzində ucuzlaşması ilə yadda qalmışdır və İngiltərənin birlikdən ayrılması prosesinin razılaşmasız davam etdiriləcəyi ehtimallarının güclənməsi, sözügedən proqnozları daha da gücləndirir. 


Bununla yanaşı, İtaliyanın 2019-ci il üzrə təsdiq etdiyi büdcə planının da AB komissiyasına təqdim edilməsi, investorların diqqət mərkəzindədir. İtaliya höküməti büdcə defisitini 2.4%-ə (ÜDM ilə müqayisədə) yüksəltməklə, borclanma səviyyəsini və kasıblara maliyyə yardımını artırmaq, keçmiş pensiya yaşına qayıtmaq və sahibkarların vergi yükünün azaltmaq istəyir. Bu isə AB tərəfindən Brüssel razılaşmasından yayınma kimi qiymətləndirilir. İtaliya Avrozonanın üçüncü ən böyük iqtisadiyyatıdır və burada böhran ümumilkdə birliyə mənfi təsir edə bilər. 


Bütün bunlar maliyyə bazarlarında yeni borc böhranı riskinə işarə olduğu üçün investorlar tərəfindən narahatlıqla qarşılanır. Siyasi risklər iqtisadiyyata mənfi təsir etməklə, avro və funtun da qiymətlərinə mənfi təsir edir. Bu baxımından yuxarıdakı sadalanan mövzular ilə bağlı xəbərlər diqqət mərkəzində saxlanılmalıdır. Hal-hazırda AB komissiyasının İtaliyanın təqdim etdiyi yeni büdcə siyasətini müzakirə edir və İtaliya höküməti də bir neçə dəfə mövqeyindən geri çəkilməyəcəyini açıqlayıb. İngiltərə parlamenti isə Breksitin şərtləri mövzusunda parçalanmış vəziyyətdədir. İngiltərə höküməti AB ilə Breksit qaydalarının təqribən 95%-i razılaşdırsa da Şimali İrlandiya ilə İrlandiya Respublikası arasında sərhəd yoxlamaları mövzusunda dalana dirənib. İngiltərənin baş naziri Tereza Mey yoxlamaların əleyhinədir. 


Təhlillərə əsasən, EUR/USD məzənnəsi 1.15$-ın altında qaldıqca, 1.14$-a kimi 0.5%, GBP/USD məzənnəsi də 1.30$-ın altında qaldıqca, 1.29$-a kimi 0.5% ucuzlaşa bilər.


Qızılın ucuzlaşması proqnozları. 

Əlvan metallar bazarlarında da qızılın bir unsiya üzrə qiyməti 1219$-ı aşağı istiqamətdə qırarsa, 1216$-a kimi dəyər itirə biləcəyi proqnozlaşdırılır.