21.10.2019 EUR, GBP, TRY, Neft və Qızıl 2:28

21.10.2019 EUR, GBP, TRY, Neft və Qızıl

Beynəlxalq Birjalarının cari vəziyyəti ilə bağlı xəbərdar olmaq üçün bizi izləyin

21.10.2019 - InvestAZ İnvestisiya Şirkətinin analitiki İlkin Alıyev dünya birjalarında cari vəziyyət haqqında danışır. 




FX: Dollar ucuzlaşır: EUR/USD və GBP/USD bahalaşır. 

Beynəlxalq valyuta birjalarında bu həftə cümə axşamı Bakı vaxtı ilə saat 15:45-də açıqlanacaq Avropa Mərkəzi Bankının (AMB) faiz qərarı və monetar siyasətə dair veriləcək şərhlər, investorların əsas diqqət mərkəzində olan hadisədir. Həftənin ilk sessiyasında isə EUR/USD məzənnəsində ucuzlaşma müşahidə edilib və 1.12$-ın altında qalan qiymətin yenidən 1.11$-a kimi ucuzlaşa biləcəyi proqnozlaşdırılır. 


Breksitin yenidən təxirə salınmaı ehtimalı və GBP. 

Böyük Britaniya parlamentində Avropa Birliyi ilə razılaşdırılan Breksit sazişinin səs verməsinin təxirə salınması ilə keçən həftə oktyabrın 31-də baş tuta biləcək razılaşdırılmış Breksit ümidləri azalmağa başlayıb. Parlament müvafiq qanunvericiliyin hazırlanması üçün vaxt istəsə də hökümət Breksit vaxtını uzatmaqda maraqlı deyil və bu, maliyyə bazarlarında qeyri-müəyyənliyi artırır. Beləliklə, yenidən artan risklər fonunda GBP/USD məzənnəsi 1.25$-a kimi dəyər itirə bilər. 


Lirədə bahalaşma sürətlənib. 

Türkiyənin Suriyədə növbəti hərbi əməliyyatlarla bağlı ABŞ ilə atəşkəs razılaşması imzalaması, beynəlxalq birjalarda lirədə də bahalaşmaya səbəb olub. Nəticədə USD/TRY məzənnəsi ucuzlaşaraq, 5.79TL-yə ticarət edilir və 5.75TL-nin qırılması ilə 5.69TL-yə kimi də ucuzlaşa biləcəyi proqnozlaşdırılır. 

Bununla yanaşı, bu həftə Türkiyə Mərkəzi Bankının (TCMB) faiz qərarının yayımlanması da böyük maraqla gözlənilir. 


Neft təklifinin azalacağı ehtimallarının bazarda qüvvəsi. 

Enerji birjalarında “OPEC”-in oktyabrın 10-da dərc edilən aylıq hesabatında təklifin azala biləcəyi açıqlaması ilə Avropanın Brent markalı neftin qiyməti 58$-da dəstək görərək, üzərində ticarət edilməkdədir və üzərində qaldıqca, 62$-a kimi də bahalaşa biləcəyi proqnozları güclü olaraq qalır. 


Breksit qeyri-müəyyənliyi və Qızıl qiyməti. 

Breksitə dair qeyri-müəyyənliyin yenidən artması, özünü əlvan metallar bazarlarında da göstərə bilər. Belə ki, qızılın bir unsiya üzrə qiyməti 1482$-ın (47.7 $/qram) üzərində qaldıqca, 1502$-a (48.3 $/qram) kimi də dəyər qazana bilər.