Maliyyə bazarlarında son vəziyyət - 03.06.2019

03 İyun 2019

Bu həftə AMB-nin monetar siyasəti fonunda müzakirələri, Avrozona və Türkiyədən inflyasiya göstəriciləri və ABŞ-dan NFP diqqət mərkəzində olacaqdır.

Maliyyə bazarlarında son vəziyyət - 03.06.2019

EUR. 

Beynəlxalq maliyyə bazarlarında may ayı cari ilin ilk ayıdır ki, itkilərlə müşahidə olunub. Qlobal ticarət böhranının dərinləşməsi, Amerika mərkəzi bankını (FED) da faiz azaldılmasına məcbur edə bilər və bu ehtimallar son günlər dolların ucuzlaşmasına təsir etməkdədir. Nəticədə EUR/USD məzənnəsi 1.1186$-a kimi bahalaşıb və 1.1225$-a kimi bahalaşa biləcəyi proqnozlaşdırılır.

Bu həftə isə fundamental hadisələrlə zəngin dövrdür. Çərşənbə axşamı Bakı vaxtı ilə saat 13:00-da Avrozonadan inflyasiya və cümə axşamı saat 16:30-da Avropa mərkəzi bankının (AMB) yeni qərarına dair açıqlamalar olacaqdır. Cümə günü saat 16:30-da ABŞ-ın əmək bazarı ilə bağlı dərc ediləcək yeni göstəricilər də investorların diqqət mərkəzindədir.


GBP. 

GBP/USD məzənnəsi də bahalaşmaqdadır və 1.27$-ın üzərində qaldıqca, 1.28$-a kimi bahalaşa bilər.

Bu gün Amerika prezidenti Donald Trampın İngiltərəyə önəmli səfəri də böyük maraqla gözlənilməkdədir. ABŞ höküməti İngiltərəni breksit prosesində dəstəkləyir.


TRY. 

Türkiyə maliyyə bazarlarında da lirə bahalaşmaqdadır, lakin yenidən 6.00TL-yə kimi ucuzlaşa biləcəyi proqnozları da aktual olaraq qalır.

Türkiyədə yüksək inflyasiya və bələdiyyə seçkiləri fonunda proseslər ölkədə iqtisadi və siyası risklərin yüksək qalmasına əsas səbəblərdir. Bu baxımında bazar ertəs saat 11:00-da Türkiyədən açıqlanacaq inflyasiya göstəriciləri də diqqət mərkəzində olacaqdır.


OIL. 

Dünyada iqtisadi dinamikanın zəifləməsi, enerji birjalarında neftə olan tələbin də azalmasına təsir etməkdədir və qiymətlərin ucuzlaşması müşahidə edilir. Təhlillərə əsasən, 61$-a ticarət edilən Avropanın Brent neftinin bir barel qiyməti, 58$-a kimi də dəyər itirə bilər.

Çərşənbə günü saat 18:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatların da qiymətlərə güclü təsir edəcəyi gözlənilir.


GOLD. 

FED-in iki faiz artımına gedə biləcəyi ehtimalları, əlvan metallar bazarlarında qızıla olan tələbin artmasına da təsir etməkdədir. Qızılın bir unsiya üzrə qiyməti keçən həftə ərzində 3% dəyər qazanaraq, 1312$-ın üzərində təklif edilib. 1313$ (41.5 $/qram) yuxarı istiqamətdə qırılarsa, qızıl 1322$-a kimi dəyər qazana bilər.