Özünə yatırım et, Qazanmağı öyrən
08.01.2018 10:08
XƏBƏRLƏR
Dünya çempionu InvestAZ-ın yeni reklam kampaniyasının siması oldu.

200 metr məsafəyə qaçış üzrə dünya birincisi, Türkiyə atletika tarixində ilk qızıl medal qazanan Azərbaycan əsilli atlet Ramil Quliyev InvestAZ şirkətinin yeni reklam kampaniyasının siması seçilib.

Uğura gedən yol.

Azərbaycanda doğulmuş atlet idmanda ilk uğurlu addımlarını elə burada atdı. Ramil Quliyev daha sonra idman karyerasını Türkiyədə davam etdirmək qərarı verərək 2010-cu ildə “Fenerbahçe” klubuna üzv oldu. Həm klub, həm milli komandanın atleti olaraq bir çox uğurlara imza atan Ramil 2017-ci ilin Avqust ayında Londonda baş tutan Dünya Atletika Çempionatında 200 metr məsafəni 20.09 saniyəyə qət edərək Dünya Çempionu olmağı bacardı. Elə həmin ildə Ramil “İlin idmançısı” adına layiq görüldü. Bununla yanaşı, atletika tarixində uzun illərdən sonra ilk dəfə ağdərili atlet dünya çempionu ola bildi.

İdmançının bu uğurları InvestAZ investisiya şirkətinin diqqətini cəlb etdi və şirkət önümüzdəki dövrdə Ramil Quliyevi Türkiyə, Azərbaycan və dünyada həyata keçirəcəyi reklam kampaniyalarının siması olaraq seçdi.

Özünə Yatırım Et, Qazanmağı Öyrən.

Azərbaycan, Türkiyə və bir neçə ölkələrdə uğurlu fəaliyyətini davam etdirən InvestAZ, “A-dan Z-yə yatırım” sloqanı ilə öz sahəsindəki peşəkarlığını və xidmət keyfiyyətini investorlara, həmçinin investor olmaq istəyən hər kəsə təqdim etmək üçün çalışır. Şirkətin əsas hədəflərindən biri investisiya anlayışını doğru çatdırmaq və yatırım dünyasında uğurlu olmağın yollarını öyrətməkdir. Bu hədəfdən qaynaqlanan şirkət, yeni, “Özünə yatırım et, Qazanmağı Öyrən” kampaniyası ilə yatırımcı olmaq istəyənlərə ilk öncə öyrənməyi, bu sahəyə dərindən yiyələnməyi aşılayır. Bu prinsiplə həyata keçirilən kampaniyada idman və yatırımın ortaq nöqtələri vurğulanır. Belə ki, idmanda olduğu kimi yatırım dünyasında da uğur qazanmaq üçün daim çalışmalı, təcrübə toplamalı, bilmədiklərini öyrənməli, özünə yatırım etməlisən. 

Şirkət inanır ki, bu mesaj yatırımcı olmaq istəyənlərə öz müsbət təsirini göstərəcək və kampaniyanın simasının uğur hekayəsindən ilham alaraq öyrənməyi, təcrübə toplamağı və qazanmağı yatırımlarında tətbiq edə biləcəklər.

OXŞAR XƏBƏRLƏR

Tədris və məhsullarımız haqqında sizi məlumatlandıraq.
Canlı Dəstək xəttimiz
* 1234

SİZƏ ZƏNG EDƏK

CANLI DƏSTƏK

Pulsuz Təlim Hesabına

İNDİ BAŞLA