4 növ investisiya aləti arasındakı fərqi nəzərinizə çatdırmaq istərdik.
1 – Aktivlərin idarə olunması
Aktivlərin idarə olunması xidməti, pulunuzun peşəkar fond meneceri tərəfindən şaxələndirilmiş investisiya portfelinə yatırılmasını əhatə edəcək. Fond strategiyasından asılı olaraq, pulunuz səhmlərdən tutmuş, istiqrazlara qədər, müxtəlif aktivlərə yatırıla bilər. İnvestisiyanızın necə performans göstərməsi seçdiyiniz fondun növündən və onun müxtəlif bazar şərtlərində necə fəaliyyət göstərməsindən asılıdır.
Bu alətdə risk səviyyələri fonddan fonda dəyişir. Lakin, ümumiyyətlə, investisiyanız bir deyil, bir sıra qiymətli kağızlar üzərində yayılır. Diversifikasiyanın gözəlliyi ondan ibarətdir ki, investisiya riskiniz portfeldəki müxtəlif şirkətlərdən bir neçə qiymətli kağıza yayılacaq. Həmçinin səhiyyə, texnologiya kimi bir sıra müxtəlif sektorlar üzrə investisiya etmək seçiminiz var.
2 – Xarici valyuta
Xarici valyuta (FX) mahiyyət etibarı ilə müxtəlif valyutalarda əməliyyatları əhatə edir. Burada gəlirlər məzənnənin hərəkətindən asılıdır. Bu, gündə orta hesabla 6 – 6.5 trilyon ABŞ dollarından çox ticarət dövriyyəsi olan dünyanın ən böyük bazarıdır.
FX dünyasında valyuta məzənnələrinə qlobal miqyasda daim dəyişən makroiqtisadi və sosial-siyasi amillər təsir edir. Amma, bu o demək deyil ki, siz 24/5 sərmayələrinizə diqqət yetirmək üçün oyaq qalmalı olacaqsınız. Siz açıq əməliyyatlarınız üçün öncədən əməliyyatın dayandırılma hədəfini və ya yeni əməliyyat açılması üçün gözləmə sifarişləri yerləşdirə bilərsiniz.
3 – Qiymətli Kağızlar
Qiymətli kağızlar səhmlər, qarşılıqlı fondlar və birja ticarəti fondları (ETF) kimi pul dəyəri daşıyan satıla bilən maliyyə alətləridir. Qiymətli kağızlara sərmayə qoymaq adətən pulunuzu sadəcə əmanət hesabına qoymaqla qazanacağınız faizdən daha yüksək gəlir gətirir.
4 – İstiqrazlar
İstiqrazlar, korporativ və ya dövlət qurumu olan istiqraz emitentinə borc verdiyiniz investisiyalardır. Emitentlər istiqraz təkliflərindən toplanmış kapitaldan bir çox məqsədlər üçün, məsələn, əməliyyatlarını və layihələrini maliyyələşdirmək və ya digər aktivləri almaq üçün istifadə edə bilərlər.
İstiqrazlar “borc aləti” kimi tanınan bir investisiya növüdür, çünki siz pul yatırdığınız zaman emitentin investisiya etdiyiniz məbləği, üstəlik müəyyən bir əlavə faizi geri qaytarmaq kimi bir öhdəliyi var. Bu əlavə məbləğ istiqrazın kupon dərəcəsinə əsaslanacaq. Maliyyə məqsədlərinizdən və risk profilinizdən asılı olaraq, orta və ya daha uzun müddətli dövr üçün fəaliyyət göstərə bilirsinizsə, bu sizin üçün uyğun investisiya seçimi ola bilər.
Unutmayın ki, sərmayə yatırmağa və ya portfelinizi yaratmağa başlamaq üçün peşəkar məsləhətə ehtiyacınız olduğu zaman İnvestAZ İnvestisiya şirkəti Sizin yanınızdadır.