InvestAZ “Ən yaxşı maliyyə ticarət platforması” nominasiyası üzrə birinci oldu.

InvestAZ şirkəti 10-11 May 2014-cü il tarixlərində Səudiyyə Ərəbistanında keçirilən 6-cı “Saudi Money Expo and Conference” tədbirində “Ən yaxşı maliyyə ticarət platforması” nominasiyası üzrə qalib elan olunmuşdur. Dünyanın aparıcı maliyyə qurumlarının nümayəndələrinin iştirak etdiyi tədbirdə, şirkətin təqdim etdiyi platforma səsvermə nəticəsində birinci yerə layiq görülmüşdür.

Qeyd edək ki, InvestAZ şirkəti Azərbaycan Respublikasının Qiymətli Kağızlar Dövlət Kömitəsi tərəfindən lisenziyalaşdırılmış investisiya şirkətidir. Şirkət eyni zamanda Türkiyə Respublikasında da tam lisenziyalaşmış maliyyə və broker xidmətləri göstərən eyni adlı qurumla təmsil olunur. Bakı Fond Birjası və Borsa İstanbulun səhmdarı və üzvüdür.