1. Cavid bəy, ilk öncə Yeni Best InvestOR müsabiqəsi №1 Yarışmasında qələbəniz münasibətilə Sizi təbrik edirik. Zəhmət olmasa, bir qalib kimi öz təəssüratlarınızı bizimlə paylaşardınız:
İlk öncə , InvestAZ şirkətinə və bu yarışların hazırlanmasında əməyi keçən bütün şəxslərə öz dərin minnətdarlıq və təşəkkürlərimi bildirmək istəyirəm. Əlbəttə ki yarışda qalib gəldiyim üçün çox sevincliyəm. Yarış stresli idi; yerdəyişmələr, mənfiyə gedən əməliyyatlar və s. insanı istər-istəməz həyacanlandırır və stresə salır. Çalışdığım qədər soyuqqanlılığımı qoruyurdum, çünki bu uğurlu olmağım üçün çox vacib idi.
2. Zəhmət olmasa, özünüz barədə bir az məlumat verərdiniz?
Mən İbadzadə Cavid Cəlal oğlu , 2002 ci ildə Saatlıda anadan olmuşam, əslən Füzulidənəm. 2008-ci ildə Füzuli rayonu 34 nömrəli tam orta məktəbdə təhsilimə başlamışam. Ailəm təhsilə və elmə böyük əhəmiyyət verdiyi üçün həmişə özümü inkişaf elətdirməyə meyilli olmuşam. Müxtəlif olimpiadalar və yarışlarda iştirak edərək tək və yoldaşlarımla qrup şəklində qalib olmuşam. Orta məktəbi Fərqlənmə atestatı ilə bitirmişəm. Universitetə qəbul olduqdan sonra da dərslərlə yanaşı bir sıra əlavə sahələrlə də maraqlanmışam. Onlardan biri də məhz Forex-də trading idi.
3. Forex-lə tanışlığınız necə oldu və bu sahəyə marağınız nədən irəli gəlirdi?
Forex-ə marağım maddi azadlığa çıxmaq istəyimlə başladı. Mən də digər insanlar kimi pul qazanmaq və ailəmin qayğısına qalmaq istəyirdim. Bunun üçün gəlirli, rahat və tez zamanda qazandıran sahələri araşdırmağa başladım. Forex isə bu 3 xüsusiyyəti özündə birləşdirən və mənim görə ideal olan bir sahə idi. Tanışlığıma təkan ADA universitetinin verdiyi təhsil və yaratdığı imkanlar oldu. Dərslər mənə fundamental analizi qavramağa kömək etdi, hələ də edir.
4. Məlumdur ki, Siz ilk dəfə deyil ki Konkursda iştirak edirsiniz. Daha öncəki yarışmalarda hansı maksimal nəticələr əldə edə bilmisiniz?
Hələki bu ilk yarışmam idi Forex sahəsində. Gələcəkdə uğurlarımı artımağa çalışacağam.
5. Zəhmət olmasa, ticarət strategiyanız barədə bizi məlumatlandırardınız.
Adətən day trading və swing tradinglə məşğul idim. Əsasən breakout structure strategiyasından istifadə edirdim. Bununla yanaşı osilyatorlar və indikatorlarla da işləyirdim, məsələn, RSİ, Stochastic, MACD, Moving Average, Volume və b.
6. Hansı analiz metodlarından istifadə edirsiniz və ticarət əməliyyatları həyata keçirərkən hansı ticarət prinsiplərinə əsaslanırsınız?
Əksər traderlərin elədiyi kimi fundamental və texniki analizlərin kombinasiyasından istifadə edirəm. Dəstək və dirənc zonalarının qırılması və həmin qırılmanın xəbərlərin açıqlanması ilə təsdiqi tapması nəticəsində əməliyyatları açırdım.
7. Elə hallar olubmu ki, çoxsaylı uğursuzluqlar nəticəsində “Bu sahə mənim üçün deyil” deyərək kənara çəkiləsiniz?
Bəli belə hallar olub. Yarışın axırına az qalmış bir sıra əməliyyatları tələsib tez bağlamışdım onda fikirləşdim ki hələki kifayət qədər bilik və bacarığım yoxdu bəlkə də bu sahə mənlik deyil bəlkə də.
8. Cavid bəy, yarışmaya başlayarkən qalib olacağınızı ehtimal edirdinizmi ?
Belə bir aforizm var: “ General olmaq istəməyən əsgərdən əsgər olmaz” . Mən də bu yarışa qalib olmaq arzusu ilə qoşulmuşdum, hətta 1-ci yer istəyirdim. Bəli ,ehtimal edirdim ki , qaliblərdən biri olacam.
9. Konkursda əldə etdiyiniz nəticə Sizi qane edirmi?
Mən həmişə hər nəticələrimə şükür edirəm. Amma bu qane olduğum mənasına gəlmir. Hər zaman daha da irəliyə can atıram. Xeyr, qane etmir ,çünki daha da yüksək nəticə əldə edə bilərdim.
10. Yeni başlayan treyderlərə hansı məsləhətləri verərdiz?
Hər zaman daha çox öyrənməyə çalışın. Warren Buffet belə bir məhşur cümləsi var nə qədər öyrənsən bir o qədər qazanarsan. Bir də ki bu elə sahədir ki burda praktika çox vacibdir. Ən azı 2-3 ay praktika edin.
11. Konkursda hansı yenilikləri görmək istərdiniz?
Hələki hər şey çox gözəldir. Gələcəkdə yalnız qaliblərdən ibarət olan və ya keçmiş yarışlarda iştirak etmiş müəyyən nömrəli yerə qədər olan yarışçılardan ibarət daha böyük məbləğli yarış keçirilsə, fikrimcə çox qəşəng olar.
