Daxili Komitələr

Audit Komitəsi

 

 

Risk Komitəsi

 

Komplayens Komitəsi

 

Audit Komitəsi

Əsas vəzifələri:

1. Şirkətdə daxili audit siyasətini və strategiyasını müəyyən edir, daxili audit planlarını təsdiq edir və daxili audit fəaliyyətinə nəzarət edir;
2. daxili audit xidmətinin rəhbəri və əməkdaşlarının vəzifə təlimatlarını, proqramlarını, daxili auditin hesabatlarını, nəzarət sisteminin təkmilləşdirilməsinə dair tövsiyələri təsdiq edir;
3. daxili nəzarət sisteminin yaradılması və tətbiqinə, daxili nəzarətin və risklərin idarə edilməsi sisteminin təkmilləşdirilməsinə dair müvafiq idarəetmə orqanına təkliflər verir;
4. maliyyə risklərinin yüksək olduğu sahələri müəyyənləşdirir və icra orqanları tərəfindən onların səmərəli idarə edilməsinə əminlik əldə edir;
5. Qanunvericiliklə və Şirkətin Nizamnaməsi ilə nəzərdə tutulan digər vəzifələri icra edir.

 

Risk Komitəsi

Əsas vəzifələri:

1. Risklərin idarə edilməsi strategiyasına, siyasətinə və qaydalarına, habelə onlara dəyişikliklərə baxmaq və təsdiq olunmaq üçün Müşahidə Şurasına təqdim etmək;
2. Məcmu və ayrı-ayrı risk növləri üzrə Şirkətin cari və gələcəkdəki risk iştahasına dair Müşahidə Şurasına təkliflər vermək;
3. Kapital və likvidliyin idarəedilməsi üzrə Şirkətin hədəflərinin, habelə Şirkətə xas bütün risklərin, o cümlədən kredit, bazar, əməliyyat, reputasiya və digər risklərin Şirkətin risk iştahasına uyğunluğuna nəzarət etmək;
4. Şirkətin üzərinə götürdüyü risklərin Şirkətin risklərin idarə edilməsi strategiyasına uyğunluğunun monitorinqini aparmaq; 
5. Şirkətin məruz qaldığı risklərin vəziyyəti və risklərin idarə edilməsi sisteminin effektivliyi barədə hesabat hazırlamaq və Müşahidə Şurasına təqdim etmək;
6. Risklərin idarə edilməsi sisteminin təkmilləşdirilməsinə dair Müşahidə Şurasına təkliflər vermək;
7. Qanunvericiliklə nəzərdə tutulan digər vəzifələri icra etmək.

 

Komplayens Komitəsi

Əsas vəzifələri:

1. Şirkətin komplayens siyasətini və strategiyasını müəyyən etmək, Komplayens fəaliyyətinə nəzarət etmək;
2. İcra orqanından daxili və kənar auditorların (Komplayens Çərçivəsində) daxili nəzarət sisteminə dair verdikləri tövsiyələrin yerinə yetirilməsinin vəziyyəti barədə məlumat əldə etmək; Şirkət tərəfindən qanunvericiliyə və daxili normativ sənədlərə riayət olunmasını yoxlamaq;
3. Tənzimləyici orqanlar tərəfindən aparılmış yoxlamaların nəticələrini nəzərdən keçirmək və onların komplayens funksiyasının təkmilləşdirilməsi üzrə tövsiyələrinin icra edilməsinə dəstək göstərmək;
4. Komplayens risklərinin yüksək olduğu sahələri müəyyənləşdirmək və Şirkətin icra orqanı tərəfindən onların səmərəli idarə edilməsinə əminlik əldə etmək.  

Son yenilənmə: 26.08.2025