3-4 Oktyabr 2015-ci il tarixlərində Türkiyənin İstanbul şəhərində “FOREX, Səhm və Törəmə Alətləri” adlı sərgi keçiriləcək. Sərgidə ölkəmizi Azərbaycan və Türkiyə bazarlarında uğurla fəaliyyət göstərən InvestAZ şirkəti təmsil edəcək.

InvestAZ şirkətinin “Platinum” sponsorluğu ilə baş tutacaq sərginin əsas məqsədi maliyyə bazarında iştirak etmək istəyənləri bu sahə üzrə doğru  məlumatlandırmaq və tədris imkanları ilə tanış etməkdən ibarətdir. Sərgidə, Türkiyədə fəaliyyət göstərən aparıcı broker şirkətlərinin və digər maliyyə təşkilatlarının iştirakı gözlənilir. İstanbul Forexpo sərgisində iştirakçılar ödənişsiz tədris imkanları, sahə üzrə aparıcı mütəxəssislərin çıxışlarını dinləmək imkanını da əldə edəcəklər.