Həyat tərzinizdə yeni mərhələyə qədəm qoymaqla, büdcə planlamaları və ən əsası maliyyə bazarlarına yatırım etməklə xəyallarınızda qurduğunuz sərvətə sahib ola bilərsiniz. Xəyalınızdakı sərvətə hal-hazırda çalışdığınız işlə nail olacağınızı düşünürsünüzsə, o zaman aşağıda yazılanları diqqətlə oxuyun.
Portfel bildiyiniz pul kisəsi deməkdir. Qiymətli kağızlar baxımından böyük əhəmiyyət daşıyan portfel də qiymətli kağızlardan ibarət bir toplumu ifadə etməkdədir. Yəni bazar iştirakçıları müəyyən bir məqsədi həyata keçirmək üçün malik olduqları qiymətli kağızlar da portfel kimi dəyərləndirilə bilər. Hər bir bazar iştirakçısı fərqli qiymətli kağızlardan çoxlu sayda portfel formalaşdıra bilər. Formalaşdırılan bu portfelin səhm və istiqraz kimi qiymətli kağızlardan ibarət olması olduqca gəlirlidir. Bu cür portellər yaradılarkən bazar iştirakçısı maliyyə alətləri arasında da uzlaşdırmalar həyata keçirə bilər.
İnvestisiyanın riskli bir sahə olduğu fikri bir çox insanlara bu sahədən uzaq durmağa vadar edir. Bir tərəfdən investisiya edərək sərvət sahibi olanların uğur hekayələrini oxuyub həmin sahəyə can atmaq istəyi, digər tərəfdən isə itirmək qorxusu ilə barışa bilmirsinizsə, o zaman Sizə kiçik bir tövsiyyələrimiz olacaq. Maliyyə bazarı haqqında kifayət qədər məlumat toplamaq, sahə üzrə tədris proqramlarına qatılmaq, təlim hesabında təcrübə keçmək, ticarət psixologiyası ilə tanış olmaqla, bazarda mövcud olan risklərdən yan keçə bilərsiniz.
