iAZ FOREXPedia

Forex bazarının üstünlükləri


FOREX bazarının xarakterik xüsusiyyəti həm yeni həm də peşəkar iştirakçılar üçün cəlbedici olmasıdır. FOREX bazarında ticarət etməyin üstünlükəri:


  1. FOREX likvid bir bazardır. Bazar, böyük həcmdə pul kütləsinə malikdir və burada istənilən həcmdə əməliyyatların həyata keçirilməsi mümkündür. Qiymətlərin ani olaraq hərəkət etməsi FOREX-i cəlbedici bir bazara çevirir;

  2. FOREX bütün iştirakçıların qatılaraq, 24 saat ticarət edə biləcəkləri bir bazardır və burada iştirakçılar bu və ya digər hadisələrə dərhal reaksiya vermək məcburiyyətində deyillər;

  3. Əməliyyatlar internet üzərindən həyata keçirilir. Birjaya onlayn qatılaraq investisiya hesabı açmaq və hər an ticarət etmək mümkündür. Bundan əlavə FOREX əməliyyatları gələcəyə istiqamətli müəyyən bir zaman və qiymət üzərindən reallaşdırıla bilir ki, bu da FOREX iştirakçılarına əməliyyatlarını əvvəlcədən planlaşdırmağa imkan yaradır;

  4. FOREX birjasında kredit çiyni vasitəsilə kiçik və orta məbləğlərlə belə ticarət etmək mümkündür. Kredit çiyni, yatırılan məbləğin bir neçə misli həcmində böyük əməliyyatlar etməyə imkan verir;

  5. Valyuta məzənnələri hər yerdə eynidir və əməliyyatlar vahid qiymət əsasında həyata keçirilir. Lakin müddətli əməliyyatlarda (fyuçers), eyni qiymətlə yalnız məhdud sayda ticarət edə bilərsiniz. Yüksək likvidlik sayəsində dünyanın istənilən yerində FOREX əməliyyatlarını tək qiymət ilə həyata keçirmək mümkündür;

  6. Valyuta qiymətlərinin dəyişməsi müəyyən istiqamətə malikdir ki, bu da həmin valyutaların qiymətlərini istənilən zaman intervalında analiz etməyə imkan verir. Hər bir valyuta qiymətinin dəyişmə qrafiki yalnız bu valyutanın zamana görə xarakterik dəyişmə xüsusiyyətinə malik olması, FOREX bazarında investisiya fəaliyyəti ilə məşğul olanlara valyutaların qiymət dəyişikliklərindən gəlir əldə etməyə imkan verir.

  7. FOREX dünyanın ən böyük maliyyə bazarıdır və heç kim tərəfindən manipulyasiya edilə bilməz;

  8. FOREX bazarında iştirak edənlərdən tələb və təklif arasındakı bazar fərqi (SPREAD) istisna olmaqla, heç bir əlavə komissiya tələb edilmir;

  9. Forex bazarında həm alış həm də satış olaraq iki istiqamətdə ticarət əməliyyatları etmək mümkündür. Bu da qiymətlərin həm yüksəlişindən həm də, enişindən gəlir əldə etməsinə imkan yaradır.